Sulmohet Top Channel, vritet roja e ndërtesës

Barbaria e radhes…

Nje tjeter shqiptar krejtesisht i pafajshen, humb jeten nga bresherite e kallashnikovit ne vendrojen e Top Channel, ku sherbente si polic privat per 300 mije leke ne muaj…
Pal Kola, 60 vjeç, mbeti i plagosur rende ne oborrin e Tv Top Channel, pasi drejt tij u hap zjarr me bredheri nga nje automjet tip “Range Rover’, me targa të vjedhura.
Kola humbi jeten, para se te mberrinte ne spitalin e traumes ne Laprake, per te marre ndihmen mjeksore.
Mjeti i autoreve te krimit u gjet i shkrumbuar në Golem të Kavajës, nje ore pas atentatit ne Mezes. Brenda ne mjet, u gjet dhe nje automatik AK-47, me te cilin dyshohet se eshte qelluar ne drejtim te fasades ballore te godines se Top Channel.
Policia ka sekuestruar ne cilesine e proves materiale te pakten 25 gëzhoja model 7.62 ne vendin e ngjarjes.

Ngushellime familjes Kola…

Njoftimi i plotë i policisë:

Tiranë/Informacion paraprak

Më datë 27.03.2023, rreth orës 01:00, në Mëzes, në rrethana ende të paqarta, nga persona ende të paidentifikuar, është qëlluar me armë zjarri në drejtim të ambienteve të Top Channel.

Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve).

Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve.